സൈക്കിള്‍ പതുക്കെ സ്ടാന്റിലേക്ക് വച്ചൂ. മുണ്ട് മടക്കി കുത്തി. അപ്പോള്‍ പുറകില്‍ നിന്നും കാലടി അടുത്തടുത്തു വരുന്നു. കയ്യില്‍ ചെറിയ ടോര്‍ച്ചു, ഞാന്‍ ഒന്നുകൂടി തയ്യാറായി നിന്നു. ( അടി കൊണ്ടാലും അന്തസായി നിന്നു കൊള്ളണ്ടേ? ) ടോര്‍ച്ചു മുഖത്തേക്ക് പതിച്ചതും ഗട്ടറില്‍ വീണ എയര്‍ഇന്ത്യയെ പ്പോലെ ഒരു വിറയല്‍ എന്നെ ബാധിച്ചതും ഒരു പോലെ ആയിരുന്നു. "ഒനാച്ചാനു എന്താ പനി ആന്നോ.. നന്നായി വിറ്ക്കുനുണ്ടല്ലോ?" അയലെത്തെ പിള്ളേച്ചന്റെ ശബ്ദം കേട്ടപ്പോള്‍ ആണ് ആശ്വാസം ആയതു. പനി ഇല്ല, ഞാന്‍ വെട്ടം നോക്കി നില്‍ക്കുവാരുന്നു. "പിള്ളേച്ചന്‍ ആ ടോര്‍ച് ഒന്ന് തന്നെ"...
ടോര്‍ച് വാങ്ങി മുന്‍പില്‍ കണ്ട നിഴലിലേക്ക്‌ വെട്ടം അടിച്ചു. ഒരു വാഴ ഉണങ്ങിയ ഇല രണ്ടു സൈഡിലോട്ടും ഇട്ടങ്ങിനെ, കത്തി കയ്യില്‍ കിട്ടിയ കൊച്ചിന്‍ ഹനിഫയെ പ്പോലെ ഞെളിഞ്ഞു നില്‍ക്കുന്നു..
അന്ന് ഞാന്‍ ഒരു തീരുമാനം എടുത്തു. ഇനി ഏതു ട്രേഡ് യുണിയന്‍ സമരം നടത്തിയാലും അവര്‍ക്ക് എന്റെ വക ഐക്യ ധാര്ട്യം.
